****** امي ********

..*((امي))*..

في الفلك كوكب وامتداد لمدارات
يجمع شتاتي تحت سبع السموات

..

يشعني نجم(ن)سطع وسط سوره
يدل ساير وسط عتم المتاهات

..

لو في الاراضي ام للقلب نوره
تشع في عمري وفير المسرات

..

امي غلاها ماتصوره صوره
يدوم لو طاحت جميع الحضارات

..

يخط حبري وسط الاوراق عذره
يعجز يوفي بالمعاني والابيات

..

لانها كل البشر في سطوره
ولانها اصل الوفاء في البريات

..

ودي اعيش العمر همه وجوره
ولاتذوق بيوم حزن ومرارات

..

العين تدمع لاخذ الهم دوره
لامنها غابت عن العين ساعات

..

ناديت يمه واخلف الصوت طوره
وابكيت من عاش الرخاء والمسرات

..

يالله يامرسي الجبل من جذوره
اجعل ثرها ريح عنبر وجنات